Presidentja e Parlamentit Evropian, Roberta Metsola, ka mbërritur në Ukrainë të premten mbrëma, siç ka bërë të ditur përmes një postimi në Twitter.
“Ndihem mirë të kthehem në Ukrainë dhe të jem me këta njerëz të guximshëm që frymëzuan botën. Me këta heronj që refuzojnë të dorëzohen. Me ata që sakrifikuan gjithçka për vlerat tona. Me evropianët, shtëpia e të cilëve është në BE-në tonë”, ka shkruar Metsola .
Ajo është takuar me kryetarin e parlamentit të Ukrainës, Ruslan Stefanchuk.
“E ardhmja e Ukrainës është si një anëtare e Bashkimit Evropian. Ne do të jemi gjithmonë pranë jush. Është kënaqësi të shoh përsëri mikun tim Ruslan Stefanchuk”, tha Roberta Metsola.